25 ноябрь көнне Яңа Кормаш төп гомуми белем бирү мәктәбендә Әниләр көне уңаеннан “Әнием-кадерлем” дигән кичә үтте. Бәйрәм кичәсен класс җитәкчеләре Хабибуллина Илсөяр апалары белән берлектә 7 класс укучылары алып барды. Әниләр һәм укучылар төрле телевизион-музыкаль конкурсларда көч сынаштылар, уйнадылар, җырладылар, кыскасы, күңелле итеп ял иттеләр. Кичә бәйрәм табыны артында дәвам итте. Әниләр, әбиләр пешереп алып килгән күчтәнәчләрдән өстәлләрдә буш урын калмаган иде.