Меңнәр мәктәбендә оештырылган семинарда район мәктәпләреннән 23 китапханәче катнашты. Алар 7 - 9 класс укучылары белән уздырылган "Парламент сәгате" карадылар (оештыручы тарих укытучысы һәм китапханәче Камалова Миләүшә Наил кызы ). Дәресне анализлаганнан соң укучылар тарафыннан әзерләнгән "Иң шәп бәйрәм - балачак!" дәрестән тыш чарасы карадылар. Семинарның фәнни - методик өлешендә китапханәчеләр "Китап турында сөйлим" буктрейлерлар конкурсына йомгак ясап, үзара тәҗрибә уртаклаштылар. Семинар бик эшлекле үтте һәм күңелләрдә уңай тәэсирләр калдырды.