Актаныш муниципаль районы ЗАГС бүлегендә “Яшь гаилә мәктәбе” дәресләре уткәрелде
19 февраль көнне Актаныш муниципаль районы ЗАГС бүлегендә “Яшь гаилә мәктәбе “ дәресләре уткәрелде. Очрашуның кунаклары – Актаныш № 1 санлы мәктәбенең 10 класс укучылары булды. Укучылар район ЗАГС бүлегенең эше белән таныштылар. ЗАГС бүлеге җитәкчесе Г.Б.Мухамадиева яшьләргә электрон гариза бирү тәртибе, электрон хезмәтләр турында сөйләде. Быелгы елның шушы көненә булган саннарга тукталды. Акт язуларының саклану урыны булган – архивның эшчәнлеген аңлатты. Гаилә темасына укучыларның сорауларына җавап бирде. Укучылар 19 февраль көнендә гаилә корган яшь парларның язылышу тантанасы шахитлары булдылар. Психолог Ф.З.Шәйгәрданова, Актаныш муниципаль районы имам мөхтәсибе Р.Р.Мортазин, район үзәк хастананәсе гинекологы А.Э.Хусаинова, район мөслимәләр берлеге җитәкчесе Зөһрә Закирова катнашында “Ничек бәхетле гаилә корырга ?” дигән темага багышланган түгәрәк өстәл янында очрашуда үзләренә бик күп файдалы мәгълумат алдылар. ЗАГС бүлеге җитәкчесе Г.Б.Мухамадиева кызларга, егетләргә үзенең изге теләкләрен җиткерде, укуларында уңышлар теләде.