Бурсык мәдәният йорты яңалыклары

15октябрь - язучы , юрист Мәгъсүм Насибуллинның тууына 90 ел. Шул уңайдан Бурсык авыл китапханәсендә “Мәгъсүм Насибуллин - язучы, юрист , педагог “- презентация эшләнде "Гаделлек җырчысы". дип аталган китап күргәзмәсе куелды. Китапларга күзәтү ясалды һәм әңгәмә оештырылды. Үзенең детектив әсәрләре белән киң катлау укучыларга танылган язучы Мәгъсүм Насыйбуллин 1925 елның 15 октябрендәТатарстанның Кукмара районы Байлангар авылында туа. Җидееллык мәктәпне тәмамлагач, башта МТСта эшли, аннары башлангыч мәктәптә укыта. 1943 елның сентябрендә ул Армия сафларына алына, хәрби аэродромда хезмәт итә. Аннары, алты айлык хәзерлектән соң, фронтка җибәрелә, Көнчыгыш Пруссиядә барган сугышларда катнаша. Сугыштан соң Мәгъсүм Насыйбуллин, юрист һөнәрен алып, башта Свердловск өлкәсендә, аннары Казакстан һәмБашкортстанда, ә 1970—1981 елларда Татарстан Республика прокуратурасында хезмәт итә. Үз иҗатын ул очерклар язудан башлап җибәрә, соңга таба әдәбиятның проза жанрына килә. Аның 1968 елда русча "Конец опасной тропы" дигән беренче китабы, ә 1970 елда Башкортстан китап нәшриятында "Юрист язмалары" исемле икенче китабы дөнья күрә. Аннан соң язучының бер-бер артлы "Без капчыкта ятмый", "Телсез шаһитлар", "Төнге ату", "Алтын алка", "Яшерен касса", "Йөрәк таш түгел", "Кайтаваз", "Капкын", "Тукран тәүбәсе" һ.б. исемле китаплары басылып чыкты. Мәгъсүм Насыйбуллин 1979 елдан СССР язучылар берлеге әгъзасы.