Бурсык авыл китапханәсендә Бөек Җиңүнең 70 еллыгына “Хәтер яктысы” дип исемләнгән китап күргәзмәсе , “Сугыш ятимнәре” презентация эшләнде.

Язлар арты язлар җитә, җирдә яшәү дәвам итә. Илебезне саклап аясыз көрәшкән,Бөек Җиңү көнен якынайткан ватандашларыбызның батырлыгы буыннан – буынга күчеп, халык күңелендә сакланып килә. Һәр елның 9 маенда ветераннар очраша, ә күзләрендә шатлыклы күз яшьләре. Сандыктагы орден-медальләр, саргайган хатлар кузгала. Туганнарын , якыннарын гына түгел, матур яшьлек елларын да тартып алып,сугыш ул чор кешеләренең язмышын үзенчә үзгәртеп куйды. Ләкин ул күңелләрдәге саф-керсез уйларны каралта алмады. Бу утлы елларны йөрәкләрдән сызып ташлап булмаган кебек, безнең тыныч тормышыбыз өчен көрәшкән илпәрвәрләр каршындагы бурычыбызны да онытырга хакыбыз юк. Шул максаттан Бурсык авыл китапханәсендә , Бурсык мәдәният йорты белән бергә сугыш чоры балаларына, тыл ветераннарына “Сугыш ятимнәре” дип исемләнгән презентация һәм “Хәтер яктысы” дип аталган күргәзмәлек эшләнде, әңгәмә оештырылды.