19 декабрьдән Татарстанда янгынга каршы махсус режим кертелә

2022 елның 16 декабре, җомга

Әлеге чорда, аерым территорияләрдә, бенгал утларыннан һәм хлопушкалардан тыш, куркынычлылыгы 1-3 класслы пиротехник эшләнмәләр куллануны тыячаклар.

Документ нигезендә, пиротехниканы сәнәгать объектлары, транспорт инфраструктурасы (автомобиль юлларыннан тыш), ягулык-энергетика комплексы (шул исәптән линияле) чикләреннән 500 метр ераклыкта, торак-коммуналь хуҗалыгы, авыл хуҗалыгы, кешеләр күпләп була торган объектлар, автомобиль юллары, шәхси йортлар чикләреннән 30 метр ераклыкта, шулай ук күпфатирлы торак йортлардан 30 метр ераклыкта кулланырга ярамый.