Агымдагы елның 10 аенда Актаныш районында теркәлгән 17 юл-транспорт һалакәтендә 3 кеше һаләк булган
Агымдагы елның 10 аенда Актаныш районында теркәлгән 17 юл-транспорт һалакәтендә 3 кеше һаләк булган (узган елның шушы чорында -4), 17 кеше төрле тән җәрәхәтләре алган (узган ел – 21 кеше).
Җәяүлеләр белән бәйле – 2 юл-транспорт һаләкәтендә 2 кеше тән җәрәхәтләре алган, 1 велосипед белән идарә итүче һаләк булган. Автомобиль белән юлдан төшеп китеп 2 кеше һаләк булды, 5 кеше төрле тән җәрәхәтләре алды. Шулай ук юл йөрү кагыйдәләрен үтәмәү очрагында (дистанция, тизлек режимы һб) 10 кеше төрле тән җәрәхәтләре алды.
Юл фаҗигаләренең төп сәбәбе – эчүчелек. Исерек хәлдә руль артына утырып машина йөртүчеләр 13 юл-транспорт һаләкәтенә сәбәпче булды (узган ел – 3). Алар арасында: җәяүлеләрне бәрдерү, юлдан төшеп китү (күп очракта), башка транспорт чарасына бәрелеп зыян салу.
Мондый һаләкәтләр аеруча июнь һәм август айларында (3 шәр очрак) күп теркәлгән.