"Актаныш җырлары" бәйгесенең йомгаклау концерты узды

2022 елның 9 ноябре, чәршәмбе

8 ноябрь көнне Ә.Авзалова исемендәге район мәдәният йортында "Актаныш җырлары" бәйгесенең йомгаклау концерты узды. 

Октябрь башында башланып киткән һәм районның 5 зонасында узган бәйгедә 120 гә якын үзешчән катнашты. Аларның  18е - уйнап – җырлаучы "Халыкчан җырчы” номинациясендә, 30 ы  - дуэт, трио , вокаль  ансамбль буларак ”Җырлыйм туган якта” номинациясендә,  41 ялгыз  җырчы "Үз илемдә - үз көем” номинациясендә чыгыш ясады. Йомгаклау концертында тамашачыларны иң-иңнәр җыр-моңга күмде. 

Концерт, өлешчә мобилизация кысаларында хәрби чакырылышта катнашкан райондашларыбызга ярдәм йөзеннән хәйрия чарасы буларак үткәрелде. Билет сатудан кергән барлык акчалар да аларга һәм аларның гаиләләренә ярдәмгә юнәлдереләчәк.