Актанышлыларга экодиктантта катнашу мөмкинлеге туды
11 ноябрьдә «Экодиктант 2022»башлана. Бу-экологияне популярлаштыруга, экологик аңны арттыруга, табигатькә сак караш турында белемнәр туплауга юнәлтелгән интерактив агарту проекты.
Акция киң аудиториягә исәпләнгән: экология темасына битараф булмаган балалар һәм өлкәннәр, профессиональ экологлар. Чит илләрдән килгән барлык теләүчеләр дә, шул исәптән безнең ватандашларыбыз да катнаша ала.
Экодиктант төрле темаларны үз эченә ала: Арктика, Байкал күлен саклау, климат, урман, тотрыклы үсеш, калдыклар, Яшел финанс, Тыюлык территорияләре, су, флора һәм фауна, һава, энергетика, табигатьтә янгын куркынычсызлыгы һәм башкалар.
Экодиктант үзенең географиясен киңәйтә, быел офлайн-мәйданчыкны ачу тантанасы Казанда да узачак! 2021 елда Татарстан Экодикантта катнашучылар саны буенча ил төбәкләренең беренче унлыгын җитәкләде.
Чара 11 ноябрьдән 27 ноябрьгә кадәр оештырылган оффлайн-мәйданчыкларда һәм онлайн-форматта узачак. Катнашу өчен теркәлергә, адресларны, шулай ук барлык нечкәлекләрне экодиктант проекты сайтында белергә була https://экодиктант.рус/
Белешмә:
2021 елда Экодиктантта Россия Федерациясенең 85 субъектыннан 3,4 миллионнан артык кеше һәм 4000 артык оффлайн мәйданчыкта һәм онлайнда 105 чит илдән милләттәшләребез катнашты.