Питрәч районы Әлбәдән авылында, 2022 елның 18-19 июнендә дүртенче тапкыр «Элбәдән «хәрби уеннары»тарихи реконструкция фестивале узачак
Бөек Ватан сугышы башлану көне алдыннан яшьләрне патриотик рухта тәрбияләү һәм Советлар Союзы герое, Брест крепосте сакчысы П.М. Гаврилов турында тарихи истәлекне саклау максатыннан, Татарстан Республикасының Питрәч районы Әлбәдән авылында, 2022 елның 18-19 июнендә дүртенче тапкыр «Элбәдән «хәрби уеннары»тарихи реконструкция фестивале узачак.
Фестиваль яшьләрне хәрби-тарихи реконструкция чаралары белән патриотик тәрбияләүнең яхшы үрнәге булып тора. 2021 елда анда 300 дән артык реконструктор һәм 14 000 тамашачы катнашты.
Фестивальдә Россия Федерациясенең 30 төбәгеннән хәрби-тарихи клублар катнашачак. Аны үткәрү барышында Брест крепостеның героик оборона битләре торгызылачак. Моннан тыш, интерактив уеннар, лекторийлар булачак, тематик, концерт һәм спорт мәйданчыклары эшләячәк, республиканың муниципаль районнары яшьләре арасында хәрби-гамәли спорт төрләре буенча Спартакиада узачак.