«Җиңү 2021» Бөтенроссия хәрби-спорт уенының республика этабы нәтиҗәләре билгеле булды
22-25 март көннәрендә Казан шәһәренең “Патриот” яшьләрне хәрби хезмәткә әзерләү хәрби-спорт үзәге Татарстан Республикасының кадет интернат-мәктәпләре арасында узган "Җиңү" Бөтенроссия хәрби-спорт уеннарының республика этабы үтте.
Советлар Союзы Герое Хәсән Заманов исемендәге Актаныш кадет мәктәп – интернаты директорының хәрби-тәрбия эшләре буенча урынбасары Фәрухшин Д.М., физкультура укытучысы Гареев З.Р. җитәкчелегендәге Актаныш кадет интернат - мәктәбе командасы 14 команда арасында гомуми III урынны яулады, Диплом, кубок белән бүләкләнде, ә һәр катнашучы командир сәгатьләре алды.
Шәхси казанышларда Данилова Валерия "Аркада ятып алга таба иелү" конкурсында I урынны алды, Салихов Мансур III урынны "Чаллы йөгереше 10*10 м" бәйгесендә яулады. Котлыйбыз!