АВЫЛ ХУҖАЛЫГЫ СУЛЫШЫ: “АЛГА” җәмгыяте имтихан тотты
Актаныш районы хуҗалыкларын карау дәвам итә. Бүген күрсәтмә имтиханны “Алга” җәмгыяте тотты. Район башкарма комитеты җитәкчесе Илшат Габдулхаев рәислегендә үткән чарада район авыл хуҗалыгы һәм азык-төлек идарәсе башлыгы Нәфис Сәлимгәрәев, хуҗалык башлыклары, белгечләре катнашты. “Алга” хуҗалыгының Әгъбәс бүлекчәсендә башланып киткән караулар машина-трактор паркын, амбар алды территориясен, остаханәне, фермаларның торышы белән танышуга барып тоташты.
Шушы көннәрдә җәмгыять савым күрсәткечләрен сизелерлек арттыруга ирешкән: тәүлеклек савым 8 тоннадан артыграк. Бозау алу буенча да алар 2021 елга куелган планны үтәп чыгарга ниятли – гыйнвар-февраль айларында “Алга” җәмгыяте 140 бозау алган, март аенда план 95 баш итеп куелган булса, бүгенге көнгә 40 бозау инде туган.