Тулы күзәтү – ул кече бизнесның икътисади исәбен алу
2021 елның беренче яртыеллыгында «Россия Федерациясендә кече һәм урта эшкуарлыкны үстерү турында» 2007 елның 24 июлендәге 209-ФЗ номерлы Федераль закон нигезендә дәүләт статистикасы федераль хезмәте 2020 ел өчен Россия Федерациясенең барлык субъектларында кече һәм урта эшкуарлык субъектлары эшчәнлегенә федераль статистик күзәтү үткәрә.
Росстат тарафыннан биш елга бер тапкыр үткәрелә торган кече бизнесның икътисади исәбен алу – тоташ күзәтү. Ул кече һәм урта эшкуарлыкны үстерү буенча дәүләт сәясәтен уңышлы гамәлгә ашыру һәм кече бизнеска ярдәм итү чараларын эшләү өчен максималь объектив мәгълүмати нигез булдырырга мөмкинлек бирә.
Тоташ күзәтүнең дөрес нәтиҗәләрен алу өчен респондентларның киләсе тикшерүгә уңай мөнәсәбәтен формалаштыру мөһим шарт булып тора.
Алдагы тоташ һәм сайлап алу тикшерүләрен үткәрү тәҗрибәсе күрсәткәнчә, кече эшмәкәрлек субъектлары бизнесның мобиль секторы булып тора, Федераль салым хезмәтендә теркәгәндә күрсәтелгән телефоннар һәм адреслар һәрвакыт актуаль түгел.