Дәрәҗәле кунаклар сәләтле балалар өчен гуманитар гимназия-интернатның эшчәнлеге белән танышты

2020 елның 29 декабре, сишәмбе

Бүгенге эшлекле сәфәр кысаларында "Россия Мәгариф һәм фән министрлыгы академиясе" өстәмә һөнәри белем бирү федераль дәүләт бюджет мәгариф учреждениесенең бүлек башлыгы Лариса Сулима һәм Казан инновацион университеты ректоры Асия Тимирясова, район башлыгы Энгель Нәвап улы белән берлектә, сәләтле балалар өчен гуманитар гимназия-интернатта булып, аның эшчәнлеге белән якыннан таныштылар.

Дәрәҗәле кунаклар гимназиянең педагогик коллективы белән очрашып, Лариса Сулима “Мәгариф” илкүләм проекты, аның мөмкинлекләре хакында сөйләде.