ТАНТАНАЛЫ МИЗГЕЛ: Актанышта 2020 елның беренче никахы теркәлде (+ФОТОЛАР)
8 февраль көнне Актаныш районы ЗАГС бүлегендә 2020 елның беренче пары тантаналы шартларда язылышты.
Резеда Сабирова белән Инсаф Минһаҗев гомергә бергә булырга вәгъдәләр биреп, балдаклар алыштылар - районда өр-яңа гаилә теркәлде. Күркәм юбилейлар елы булгач,иң беренче язылышканнарга республика бүләкләре дә бар.
– ТАССРның 100 еллыгы уңаеннан республика җитәкчелеге бик күп чаралар планлаштырды. Шуларның берсе – беренче язылышкан парлар өчен истәлек билгеләре, – диде ЗАГС бүлеге җитәкчесе Гөлфинә Баян кызы. Ул Минһаҗевларга Татарстан бүләген һәм чәчәк бәйләме тапшырды.
Тантанада катнашкан район башкарма комитеты җитәкчесе Илшат Гәбделхәев та яшь гаиләгә тәбрик сүзләрен ирештерде.
– Сезне чын күңелдән тормышыгыздагы иң истәлекле вакыйга белән котлыйм, бәхетле гомер телим, - диде ул.