МЕНӘ СИҢА ТАМАША: Якшәмбе көнне Актанышта җитәкчеләр көч сынаша

2020 елның 31 гыйнвары, җомга

2 февраль, якшәмбе көнне, Актанышта  җитәкчеләр спартакиадасы үткәрелә. Район җитәкчеләрен бергә туплый торган әлеге ярышның максаты:  физик тәрбияне пропагандалау, спортны популярлаштыру, физкультура – спорт эшен җанландыру һәм, әлбәттә, иң көчле җитәкчеләрне билгеләү. 

Ярышларда район хакимияте җитәкчелеге,  авыл җирлекләре башлыклары, районның хуҗалык, оешма – предприятияләре, учреждение җитәкчеләре, мәктәп директорлары  чаңгыда узышу эстафетасы, өстәл теннисы, шорт-трек, йөзү,  бадминтон, волейбол  буенча  көч сынаша.

Спартакиадага старт  иртәнге сәгать  9.00да,   “Бүләк” чаңгы трассасында бирелә. Һәр җитәкче өч спорт төрендә катнаша, чаңгы төре һәркем өчен мәҗбүри.