ЛАЕКЛЫ БӘЯ: Алдынгылар җыенында 2019 нчы елда Россия һәм республика күләмендә зур уңышларга ирешкән актанышлылар хөрмәтләнде (ТУЛЫ ИСЕМЛЕК ҺӘМ ФОТОЛАР)
Алдынгылар җыенында 2019 нчы елда Россия һәм республика күләмендә зур уңышларга ирешкән коллективлар һәм аерым хемәткәрләр билгеләнеп, аларга район башлыгының Рәхмәт хатлары тапшырылды.
Алар:
- Казанда узган көрәш төре буенча Дөнья чемпионатында уз авырлыгында чемпион исемен яулаган Хуҗин Фарис Фәрит улы (остазы Анваров Ильфир);
- Рыбаков фондының "Мәктәп" федераль конкурсы, "Без — мәктәп командасы" номинациясендә җиңүчесе"Сәләтле балалар өчен гуманитар гимназия-интернат" Дәүләт автономияле гомумбелем учреждениесе;
- Татарстан Республикасы “Аграр яшьләр берләшмәсе” һәм Авыл хуҗалыгы министрлыгы тарафыннан үткәрелгән “Үз хезмәте остасы” конкурсында катнашып 1 нче урын алган “Башак” җаваплыгы чикләнгән җәмгыяте савымчысы Әхмәтова Гүзәл Фәнис кызы
- Регионара “Идел-йорт” бәйгесе җиңүчесе Киров халык театры;
- Район үзәгендә беренче тапкыр уздырылган М.Җәлил истәлегенә багышланган республикакүләм корәш ярышында 3 урынга лаек булган Нургалиев Раббани Ришат улы;
- Республикакүләм Авыл яшьләре уеннарында чемпион исемен яулаган Актаныш районының волейбол буенча ир-атлар җыелма командасы;
- Самара шәһәрендә узган авыл җирлегендә яшәүче укучылар арасында шахмат буенча Бөтенроссия шәхси-команда ярышларында чемпион калган Рахманова Зәйнәп Алмаз кызы, остазы - Илдар Имамов;
- “Созвездие-Йолдызлык" эстрада сәнгатенең ачык республика телевизион яшьләр фестивалендә 1 урынга ия булган “Образ“халык бию ансамбле;
- "Ак чәчәкләр" республика конкурсының “Беренчел звеноның иң яхшы табибы№ номинациясе иясе Ибраһимова Рифа Саняф кызы;
- Пешекче эше компетенциясе буенча world skills региональ этабында 3 урын иясе Вәлиева Лилия Ринат кызы;
- 2019 елда рус теленнән Республика фән олимпиадасының йомгаклау этабы призеры Вәлиева Нәфисә Ленис кызы;
- VII “Илһам” бөтенроссия яшь язучылар бәйгесе Гран-при иясе Хәбибуллина Алинә Айдар кызы;
- “Яшь техник-моделист” Бөтенроссия башлангыч техник модельләштерү һәм конструкцияләү бәйгесендә I урын яулаган Акбиров Илсуар Илдар улы;