Киров мәктәбе укучылары авылның күренекле шәхесләре белән очрашты

Бүген Киров төп гомуми белем бирү мәктәбендә мәктәп директорларының тәрбия эшләре буенча урынбасарлары катнашында киңәшмә узды. Биредә ачык дәресләр, проект эшчәнлеге, профориентация юнәлешендә мастер-класслар күрсәтелде. Соңыннан укучылар "Бәхетне мин авылымда таптым" дип исемләнгән эшлекле сөйләшүдә катнашты. Әлеге чарада авылның күренекле шәхесләре - Ленин ордены кавалеры Зөлфирә Каһирова, ТРның атказанган мәдәният хезмәткәре Роза Шәйхелмарданова, "Актаныш" агрофирмасының Киров бүлекчәсе җитәкчесе ярдәмчесе Рамазан Талипов, кул остасы Илнар Гыйздуллин чыгыш ясадылар.