6 март көнне Иске Сәфәр авылы китапханәсе каршында оешкан "Балкыш" клубы әгъзалары катнашында "Халкыбызның күңел бизәкләре" дигән кичә үтте. Әлеге кичә халкыбыз тарихын, йолаларын, гореф - гадәтләрен барлауга багышланган иде. Килгән кунаклар шулай ук татар милли киемнәре, кул эшләре белән танышты. Мөнәҗәтләр дә тыңланды, хәдисләр әйтелде, җырлы-биюле уеннар да уйналды. Кичә чәй өстәле янында фикер алышулар белән тәмамланды.