8 нче ноябрь көнне Иске Сәфәр авыл китапханәсендә "Гаилә белән китапханәгә" дигән чара үткәрелде. Балаларның ял вакытын дөрес файдалану максатыннан, гаиләләр белән квартал саен очрашу-кичәләр үткәрелә. Бүгенге кичәбезгә "Гаилә белән бергәләп укыйбыз" дигән темада китап күргәзмәсе эшләп куелды. Бертуган Тимеровалар: Гөлнур һәм Гөлназ буш вакытларында китапханәгә йөрергә яраталар, яңа кайткан "Сабантуй", "Ялкын", "Салават күпере" журналларын укып танышып баралар, әдәби китаплар укырга да яраталар. Балалар һәрвакыт китапханәнең көтеп алынган кунаклары.