ЯҢАЛЫКЛАР

Кичә барлык мәчетләрдә беренче тәравих намазы укылды. Бүген – Рамазан аеның беренче көне.

Изге ай мөбарәк булсын! Быел безнең җирлектә яшәүчеләргә уразаны 19 сәгатькә якын тотарга туры килә. Аллаһы Тәгалә рәхим-шәфкатен бирсен.

Актаныш Җәмигъ мәчетендә “Намаз уку” бәйгесендә илледән артык бала катнашты.

 “Намаз уку” бәйгесе җиңүчеләре.

Ир балалар арасында.

Мәктәпкәчә яшьтәге балалар:

1 урын – Мөхәмәтдинов  Азамат,  Чуракай авылы,

2 урын – Әхтәмов   Әнвәр, Актаныш авылы,

3 урын – Мирзасалихов  Гомәр, Яңа Әлем авылы.

I-II сыйныф укучылары:

1 урын – Гыйззәтдинов Рүзәл, Такталачык авылы,

2 урын – Мортазин  Сәид, Актаныш авылы,

3 урын – Ягудин Ризван,  Такталачык авылы.

III-IV  сыйныф укучылары:

1 урын – Арсланов Илнур,  Такталачык  авылы,

2 урын – Мансуров Салих,  Актаныш авылы,

3 урын – Вахитов Раяз, Чуракай авылы.

V-VI сыйныф  укучылары:

1 урын – Солтанов Самат, Актаныш  авылы,

2 урын – Вахитов Гаяз, Чуракай  авылы,

3 урын – Мирзасалихов Мөхәммәд,   Яңа Әлем авылы.

VII-VIII сыйныф укучылары:

1 урын – Әхтәмов Рушан,  Актаныш авылы,

2 урын – Хәбибуллин Айдар,  Яңа Кормаш авылы,

3 урын – Хуҗагалиев Данил,  Чуракай авылы.

Кызлар балалар арасында.

Мәктәпкәчә яшьтәге балалар:

1 урын – Саматова  Фәүзия,  Актаныш авылы,

2 урын – Гыйззетдинова  Зәлия, Такталачык авылы,

3 урын – Әхәтова  Эльмира, Актаныш авылы.

I-II сыйныф укучылары:

1 урын – Әхәтова Рәмилә, Актаныш авылы,

2 урын – Закирҗанова Сафия, Актаныш авылы, Арсланова Мәрьям, Актанышбаш авылы,

3 урын – Солтанова Ясминә, Актаныш авылы.

III-IV  сыйныф укучылары:

1 урын – Әхәтова  Зилә, Солтанова Гүзәл, Актаныш авылы,

2 урын – Рахманова Зәйнәб, Актанышбаш, Мортазина Мәрьям, Актаныш авылы.

3 урын – Тимирова  Алинә, Тимирова Адилә – Актаныш авылы.

V-VI сыйныф  укучылары:

1 урын – Вәлиева  Сөмбел,  Актаныш авылы,

2 урын – Шәехова  Нәзирә, Чуракай авылы,

3 урын – Шакирова  Алия, Актаныш авылы.

VII-VIII сыйныф укучылары:

1 урын – Батыргәрәева  Диләрә, Актаныш авылы,

2 урын – Шәехова  Нәзирә, Чуракай авылы,

3 урын – Шакирова  Алия, Актаныш авылы.

Әссәләмүгаләйкүм вә рахмәтуллаһи вә бәракәтүһ!

Мөхтәрәм дин кардәшләр!

Айлар солтаны – Рамазан шәриф килеп җитте. Бу ай бәхет, шатлык, уңыш һәм күп савапларга ирешә торган ай. Көтеп алган беренче тәравих намазын 5 нче май көнне  мәчетләрдә ястү намазыннан соң укыдык.  Бүген - 6 май  көнне  уразага кердек.

Мөхтәрәм җәмәгать,  ошбу рәхмәтле айда уразаларыбызны тотыйк, гамәл – гыйбадәтләрне күбрәк кылыйк, мохтаҗларга, ятимнәргә ярдәм кулы сузыйк, аларны фитр, зәкәт сәдакаларыбыз белән сөендерик.

 Шул уңайдан,  Җәмигъ һәм Бүләк мәчетләре ифтар ашлары үткәpүдә катнашырга чакыра. Мәчетләребездә бәйрәм рухы, хәләл ризык, хәзрәтләребезнең вәгазьләре күңелләрегезгә хуш килер дип ышанабыз. Аллаһ Раббыбыз шушы ифтар ашларын уздыручылардан да, анда катнашучылардан да разый булсын.

Рамазан – Коръән иңгән ай. Ошбу айда Аллаһ китабын -  Коръәни Кәримне гадәттәгедән күбрәк укыйк, Коръән нурлары белән күңелләребезне нурландырыйк!

Аллаһ Тәгалә тоткан уразаларыбыз бәрәкәтендә тормышларыбызны тагын да  мулрак, хәерлерәк итсен, изге ниятләребезгә ирештерсен!

Мәчетләребезгә  рәхим итегез!

Игелек кылып яшик! - Актаныш районында сугыш чоры балалары белән очрашу бүген "Агыйдел" дәүләт җыр һәм бию ансамбле бинасында  үзенчәлекле үтте. "БлагоДарение" фонды Президенты Фәрит Муллагали улы Салихов якташ язучыбыз Айгөл Әхмәтгалиеваның "Сагынган чакларымда" әсәрен Минзәлә районы Тупач авылы волонтерлары сәхнәләштерүендә бүләк итте.
Актаныш район башлыгы Энгель Нәвап улы Фәттахов игелекле гамәлләре, районның социаль-икътисадый үсешенә куйган хезмәтләре өчен әтиле-уллы Фәрит һәм Ирек Салиховларга Рәхмәт хатын тапшырды.
"БлагоДарение" фонды районда ялгыз өлкәннәргә, ятим, физик мөмкинлекләре чикләнгән балаларга ярдәмләшеп яшәүче балаларга, балалар бакчаларына, мәктәпләргә фондның Рәхмәт хатларын, истәлек бүләкләрен тапшырды.

Казан буенча:
Алмашынучан болытлы һава.
Урыны белән кыска вакытлы яңгыр.
Җил көньяктан секундына 3-8 метрга кадәр, урыны белән көчәйгәндә 11 метрга җитә.
Һаваның минималь температурасы төнлә +9..+11°, көндез максималь һава температурасы + 22..+24.°
Татарстан Республикасы буенча:
Алмашынучан болытлы һава.
Урыны белән кыска вакытлы яңгыр, көндез кайбер районнарда яшенле яңгыр.
Җил көньяктан секундына 3-8 метрга кадәр, урыны белән  көчәйгәндә 12 метрга кадәр, яшен вакытында 15-17 метрга кадәр җитәргә мөмкин.
Һаваның минималь температурасы төнлә +6..+11°, көндез максималь һава температурасы + 20..+25.°

Казан буенча:

Аязучан болытлы һава. Төнлә яңгыр. Көндез явым-төшемсез. Җил көньяк-көнбатыштан секундына 5-10 м, төнлә урыны белән көчәйгәндә 14 метрга кадәр.

Һаваның минималь температурасы төнлә +8..+10.° Көндез максималь һава температурасы +20..+22°.

Татарстан Республикасы буенча:

Аязучан болытлы һава. Төнлә яңгыр, көндез урыны белән яңгыр. Аерым районнарда яшен. Җил көньяк-көнбатыштан 5-10 м/с, урыны белән көчәйгәндә 14 м/с кадәр, яшен вакытында 20 м/с кадәр тизлектә.

Һаваның минималь температурасы төнлә +6..+11°. Көндез максималь һава температурасы +18..+23°.

Куркыныч метеорологик күренеш турында шторм кисәтү.

Татарстан Республикасы территориясендә 2 май көнне 10.30 минуттан   3 май көнне 6 сәгатькә кадәр, якындагы 1-3 сәгатьтә, 2 май һәм 2019 елның 3 май төнендә Татарстан Республикасы буенча урыны белән көньяктан көчле җил, көчәйгәндә 20-25 м/с. тизлектә көтелә.

Казан буенча:

Алмашынучан болытлы һава.

Төнлә явым-төшемсез, көндез яңгыр.

Җил көньяктан төнлә 6-11 м/с; иртән, көндез 8-13 м/с, урыны белән көчәйгәндә 15-20 м/с ка  кадәр.

Һаваның минималь температурасы төнлә +2..+4.°

Көндез максималь һава температурасы +13..+15.°

Татарстан Республикасы буенча:

Алмашынучан болытлы һава.

Төнлә явым-төшемсез.

Көндез күпчелек районнарда яңгыр.

Җил көньяктан төнлә 6-11 м / с; иртән, көндез 8-13 м/с, урыны белән көчәйгәндә 17-22 м/с ка кадәр.

Һаваның минималь температурасы төнлә +4..1.°

Көндез максималь һава температурасы +13..+18.°

Актанышның һәр җирлегендә бүген татар халкының иң популяр язгы бәйрәме - "Карга боткасы" узды – фотомизгелләр.

Хөрмәтле райондашлар! Сезне ихлас күңелдән Яз һәм Хезмәт бәйрәме белән тәбрик итәм!

Май аеның беренче көне - төрле буын кешеләренең иң яраткан бәйрәмнәренең берсе һәм шуңа да ул - халык бәйрәме. Язгы яңарыш та ул, киләчәккә якты өметләр дә, бердәм тырыш хезмәт белән үтә торган ял да.

Актаныш җирлеге хезмәт яратучы, талантлы кешеләргә бай. Районыбызның һәр өлкәсендә үсеш темпы – безнең бердәм эшебез нәтиҗәсе. Районыбыз, авылларыбыз елдан-ел төзекләнә, яңара.

Яз һәм Хезмәт бәйрәме уңаеннан бүгенге икътисадка ныклы нигез салган хезмәт ветераннарына, хәзерге вакытта район өчен тырышлык куючыларга олы рәхмәтемне юллыйм.

Барыгызга да ныклы сәламәтлек телим, һәр йортта уңышлар, язгы күтәренкелек, хезмәт дәрте булсын. Һәркем күңелендә матур уйлар булуы, йорттагы иминлек хезмәттә дә уңыш китерә, дусларыгыз, якыннарыгыз белән аңлашып, аралашып яшәгез! Башкара торган хезмәтегез бары тик шатлык, канәгатьлек хисе тудырсын, эшегез югары бәяләнсен!

Бәйрәм белән!