Актанышта XI Укучылар Спартакиадасы кысаларында узучы шахмат буенча финал уеннары дәвам итә

27 марттан Актаныш районында XI Укучылар Спартакиадасы кысаларында узучы шахмат уеннарының финал өлеше бара. Спартакиаданың баш хөкемдары - Николай Коротаев.

Ярышлар 1 апрельгә кадәр районның Балалар иҗат үзәгендә узачак.

Катнашучылар 4 группага бүленәләр:

 1 группа – укучы саны 3000 гә кадәр булган  муниципаль берәмлекләр (Алексеевск, Әлки, Апас, Әтнә, Чүпрәле, Югары Ослан, Кайбыч, , Мөслим, Минзәлә, Яңа Чишмә, Питрәч, Балык Бистәсе, Спас, Тәтеш, Теләче, Чирмешән, Ютазы);

 2 группа – укучы саны 3000 нән 6000 кадәр булган  муниципаль берәмлекләр (Әгерҗе, Аксубай, Актаныш, Арча, Баулы, Балтач, Буа, Биектау, Зәй, Кукмара, Лаеш, Мамадыш, Менделеевс, Саба, Сарман, Тукай);

 3 группа – укучы саны 6000 нән 12000 кадәр булган  муниципаль берәмлекләр (Азнакай, Бөгелмә, Алабуга, Лениногорск, Норлат, Чистай);

4 группа – укучы саны 12000 нән югары булган  муниципаль берәмлекләр (Әлмәт, Яшел Үзән, Яр Чаллы, Түбән Кама, Казан).