Татарстанда 2016 елның 10 сентябреннән гадәттәге авыл хуҗалыгы ярминкәләре сезоны ачыла

2016 елның 10 сентябреннән Казан, Чаллы шәһәрләрендә, шулай ук Зеленодольск муниципаль районының Октябрьский поселогында авыл хуҗалыгы продукциясен һәм көндәлек азык-төлек товарларын сату буенча ел саен уздырыла торган ярминкәләр башлана. Бу хакта Татарстан Республикасы Министрлар Кабинеты 2016 елның 2 сентябрендә 1903-р номерлы тиешле күрсәтмә кабул итте.

Казанда ярминкәләр 10 сәүдә мәйданчыгында оештырыла:

– Совет районында: «Казан» агросәнәгать комплексы» ААҖ (Аграрный ур., 2), һәм Дәрвишләр бистәсендә (Липатов ур., 7, «Дәрвиш» базары территориясендә);

– Яңа Савин районында: «Бәхетле» сәүдә үзәге мәйданчыгында (Хөсәен Ямашев пр., 71а);

– Авиатөзелеш районында: «Бәхетле» сәүдә комплексы каршындагы мәйданчыкта (Ленинград ур., 27);

– Мәскәү районында: Г.Коләхмәтов һәм Восстание урамнары киселешендә (Восстание ур., 83);

– Киров районында: «Җиләкле бистәсе» сәүдә үзәге каршындагы территориядә (Краснококшайский ур., 152/2) һәм Юдино поселогында (Юдино пос., Ильич ур., 1);

– Вахитов районында: Груздев урамы, 5 нче йорт адресы буенча административ бина каршындагы парковка мәйданчыгында (Груздев ур., 5) һәм Кәрим Тинчурин ис. сквер каршында (Кәрим Тинчуринур., 13);

– Идел буе районында: «Чулпан» мәдәни үзәге янындагы мәйданчыкта (Җиңү пр., 48а).

Чаллыда ярминкәләр 3 мәйданчыкта оештырыла: Сарман трактында, Галиәсгар Камал ис. бульварда (Тынычлык һәм Мәскәү проспектлары арасында) һәм «Южный» агросәнәгать паркында.