16 декабрь көнне, ягъни иртәгә Казанда Татарстан Республикасы Мәгариф һәм фән министры Энгел Фәттахов катнашында Татарстан Республикасы яшь педагоглар (30 яшькә кадәр) һәм мәктәп директорларының I Форумы узачак. Безнең районнан чарада 14 яшь педагог катнашачак.
Форум үткәрүнең төп максаты - "Яшь педагог һәм җитәкчеләр клубы" Казан шәһәрендә урнашкан ресурс үзәкле формаль булмаган берләшмә челтәрен булдыру.
Форум - мәгариф өлкәсендә эшләүче яшьләрнең инициативасын яклау һәм һөнәри үсешләренә ярдәм итү мәйданы булып та тора. Форум кысаларында Татарстан Республикасының яшь педагоглары Берләшмәсен оештыру планлаштырылган.