Татарстанда яңа уку елында 1 нче класска 43 мең 364 бала укырга керә

 Татарстан Республикасында яңа уку елында 1 нче класска 43 мең 364 бала укырга керә, аларның 13,5 меңе – Казанда (2014 елда 1 нче класска 40 мең 239 бала кергән, шул исәптән Казанда – 12 мең).

Быел республикада 45 муниципалитетта 119 мәктәп, 10 балалар бакчасы, 7 махсус (коррекцион) мәктәп бинасы төзекләндерелде, шуңа 2 579,6 млн сум сарыф ителде. Белем көненә яңа 7 мәктәп, 2 балалар бакчасы ачыла. Гомумән, Татарстанда 2015 елда 7 мәктәп һәм 73 балалар бакчасы төзелде.

Авыл мәктәпләренә балалар ташыр өчен 45 яңа автобус сатып алынды.

Бу хакта ТР Мәгариф һәм фән министрлыгы матбугат хезмәте хәбәр итте.