Актаныш муниципаль районы

ТР сәнәгать һәм сәүдә министры сәүдә хезмәткәрләрен һөнәри бәйрәмнәре белән котлады

2015 елның 25 июле, шимбә

ТР Премьер-министры урынбасары – ТР сәнәгать һәм сәүдә министры Равил Зарипов сәүдә хезмәткәрләрен һөнәри бәйрәмнәре - Сәүдә хезмәткәрләре көне белән котлады.
“Сәүдә – Татарстан икътисадының иң актив үсеш алучы тармакларының берсе. Тармак тулаем төбәк продуктына өлеш кертү буенча лидерлык позициясен били, безнең республика һәм ил бюджетына салымнарның шактый өлешен тәэмин итә. Бүген тулаем төбәк продуктында сәүдә өлеше 14,2 процент тәшкил итә. Сәүдә өлкәсендә республика икътисадында мәшгуль булучыларның гомумсанының 17 проценттан артыгы эшли.
Татарстан кулланучылар базары өлкәсендә төрле форматтагы 17 меңнән артык ваклап сату предприятиеләре эшли. Республика ваклап сату әйләнеше күләме буенча лидер төбәкләр исәбенә керә. Узган ел Татарстанда яшәүчеләргә 781 млрд сумлык товар сатылган, ваклап сату әйләнеше бер җан башына 203,9 мең сум тәшкил иткән.
Тармакның төп кыйммәте – тәҗрибәле һәм профессиональ кешеләр. Тармак хезмәткәрләре осталыклары, заманча технологияләрне нәтиҗәле куллану, билгеләнгән планнарны чынга ашырырга, безнең республиканың көндәшлелеккә сәләтлелеген күтәрүдә булыша.
Хөрмәтле республика сәүдә предприятиеләре хезмәткәрләре! Сезнең хезмәтегез һәр кешенең көндәлек тормышында бик мөһим. Сезнең профессиональлегез һәм җаваплылыгыз Татарстанда яшәүчеләрнең кәефенә һәм иминлегенә йогынты ясый. Сез намуслы хезмәтегез белән мөһим социаль бурычларны хәл итәргә итәргә ярдәм итәсез.
Һөнәри бәйрәмегез көнендә республикада яшәүчеләр ихтыяҗына игътибарыгыз, Татарстанны җәлеп итүчән төбәк итәргә омтылуыгыз өчен рәхмәт сүзләре кабул итегез. Шулай ук яшь буын белән тәҗрибә уртаклашучы тармак ветераннарына аерым рәхмәт сүзләре җиткерәсе килә”, - диелгән котлауда.

Оценить материал и/или оставить мнение

Чыганак:http://tat.tatar-inform.ru/news

БАРЛЫК ЯҢАЛЫКЛАРНЫ УКУ