Актанышта СССР спорт мастеры Фирдәвис Шәемов призына кросс
Буген, 21 ноябрь көнне район үзәгендә җиңел атлетика буенча СССР спорт мастеры Фирдәвис Шәемов призына кросс оештырылды. Әлеге ярышта 180 укучы катнашты.
500 метр арага йөгерүдә кызлардан 1 урынны төп гомуми белем бирү мәктәпләре арасында Уразай мәктәбеннән Айзирә Сафина, урта белем бирү мәктәпләре арасында 2 нче санлы Актаныш мәктәбе укучысы Таңсылу Тазиева алдылар.
1000 метрга йөгерүдә төп гомуми белем бирү мәктәпләре буенча кызлар арасында чемпион исемен Әтәс мәктәбеннән Алина Хабибуллина , ә урта белем бирү мәктәпләре арасында 2 санлы Актаныш мәктәбе укучысы Ирина Муллаянова яулады.
Башка дистанцияләрдә Актанышның 2 санлы мәктәбе укучылары Чулпан Губаева ,Альберт Галиуллин, Хусаинова Азалия,Илһам Закиров,Теләкәй мәктәбеннән Айзат Гыйльфанов, Актанышның 1 санлы мәктәбе укучылары Айбулат Хуҗин, Камиль Мугтазиров, Уразай мәктәбеннән Галиуллин Динар чемпион исемнәрен яуладылар.
Ветеран йөгерүчеләр арасында чемпион исемен Галимҗан Мансуров яулады. Җиңүчеләр грамоталар , махсус футболка , бүләкләр белән бүләкләнделәр.
Район башкарма комитеты җитәкчесе урынбасары Ландыш Шамсунова ярышта җиңүчеләрне кайнар котлады, Фирдәвис Шәемовка рәхмәт әйтте.