Муниципаль район башлыгы Фаил Камаев 623нче сайлау участогында тавыш бирде

623нче сайлау участогында халыкның активлыгын җәмәгате Эльмира Рөстәм кызы  белән бергә тавыш бирүгә килгән район башлыгы Фаил Камаев билгеләп үтте:

-    Гаиләм белән элек-электән үк сайлауларга йөрибез, - диде район башлыгы. – Сайлау көне безнең гаилә өчен бәйрәм ул. Ә актанышлыларның актив һәм бердәм булып сайлауга килүләрен бердәмлек күрсәткече дип саныйм. Сайлауларны матур күрсәткечләр белән, лаеклы каршы алабыз. Районыбыз игенчеләре зур бүләк ясадылар.Районда урып-җыю төгәлләнде, кырларыбыздан 140 мең тоннадан артык ашлык җыеп алынды.

 Әйе,  күрсәткечләр күз алдында. Республикадагы һәм райондагы матур башлангычларны, уңай үзгәрешләрне сайлауга килүче актанышлылар да билгеләп уздылар.

-    Халык бүгенге хакимият сәясәтен хуплый, - ди сайлаучы Венера Хәернасова. – Без дә чын күңелдән киләчәк тормышның матуррак булачагына ышанып гаиләм белән тавыш бирергә килдек.