Актанышта «Агыйдел» I Төбакара балалар һәм яшүсмерләрнең иҗади-интеллектуаль форумы ачылды
2014 елның 1 августыннан 7 августына кадәр беренче мәртәбә уза торган “Агыйдел” Төбакара балалар һәм яшүсмерләрнең иҗади-интеллектуаль форумы кичә, 2 августта Актанышта ачылды. Тантанада ТР Премьер-министр урынбасары-фән һәм мәгариф министры Энгель Фаттахов, Актаныш муниципаль районы башлыгы Фаил Камаев катнашты.
Әлеге чарада Татарстан, Башкортостан, Удмуртия, Мордовия республикалары, Пермь крае һәм Оренбург өлкәсеннән килгән 100гә якын кеше катнаша.
Форумда катнашучылар өчен укулар, тренинглар һәм мастер-класслар, танылган шәхесләр белән очрашулар, дискуссияләр, шулай ук мәдәни-ял итү программалары оештырылачак.
“Агыйдел” Форумының максаты – заманча интеллектуаль технологияләр – IT, робот техникасы һ.б. өлкәсендә тәҗрибә һәм идеяләр белән уртаклашу мәйданчыгы булдыру.