Педагогларны якларга кирәк!

Мәктәп укытучыларын мыскыл иткән, алардан көлгән өчен укучыларны яки аларның әти-әниләрен җинаять җәзасына тартырга мөмкиннәр.

Дәүләт Думасы депутаты Виктор Шудегов шундый тәкъдим белән чыкты.

– Яшүсмерләр хәзер бик агрессив. Дәүләт педагогларның иминлеген сакларга тиеш дип саныйм, чөнки алар да, хокук саклау органнары хезмәткәрләре кебек үк, ил һәм җәмгыять өчен мөһим хезмәт башкаралар, – диде ул.

Депутат мәгариф тармагы хезмәткәрен мыскыл итүне хакимият вәкилен мыскыллауга яки аңа карата көч куллануга тиңләргә тәкъдим итә.