Район һәм шәһәр территорияләрен тәртипкә китерү максатыннан, быел да 1 апрельдән республикада санитар чистарту ике айлыгы игълан ителә, дип белдерделәр ТР Министрлар Кабинетында журналистлар өчен үткән видеобрифингта. Бу чорда көнкүреш калдыкларын ташлауга кагылышлы таләпләрнең үтәлешенә тикшерү органнары тарафыннан игътибар аеруча зур булачак. Быел беренче мәртәбә тикшерү эшенә җәмәгать инспекторларын да тарту планлаштырыла.