Предприятиене ликвидацияләүгә бәйле рәвештә эшен югалткан хатын-кызлар йөклелек һәм бала табу буенча пособиене Татарстан Республикасы буенча Социаль фонд бүлеге аша рәсмиләштерә алалар
Йөкле хатын-кыз эшләгән оешма эшчәнлеген туктаткан очракта да булачак әниләрнең йөклелек һәм бала табу буенча, шулай ук бала 1,5 яшькә җиткәнче бала карау буенча пособие алу хокукы саклана.
Йөклелек һәм бала табу буенча пособие тиешле отпускның бөтен чорына тулысынча түләнә. Ул эштән китү компаниянең юкка чыгуы сәбәпле булган йөкле яки бала тапкан хатынга, шулай ук баланы аңа өч ай булганчы уллыкка алган хатын-кызга тиеш. Пособие күләме календарь айда хезмәткә сәләтле халыкның яшәү минимумының 100% ын тәшкил итә. Пособие суммасы эшкә яраксызлык чорыннан чыгып исәпләнә һәм бу чор 140 календарь көн исәбеннән алынган очракта, 2025 елда Татарстан Республикасы буенча пособие күләме 76673,33 сум тәшкил итә.
Түләү алу өчен йөклелек һәм бала табу буенча отпуск тәмамланган көннән алып алты ай эчендә Социаль фондка гариза бирергә кирәк.
Моны фондның клиент хезмәтендә яки дәүләт хезмәтләре порталы аша эшләргә мөмкин. Шунысы мөһим, пособие рәсмиләштерү өчен эштән чыгарылганнан соң бер ел дәвамында хатын-кыз мәшгульлек үзәгендә эшсез буларак теркәлергә тиеш.
"Предприятие эшен туктаткан очракта да гаилә ярдәмсез калырга тиеш түгел. Бу мөһим чорда гаиләне финанс ягыннан тотрыклы тәэмин итү безнең өчен беренче урында тора», - дип билгеләп үтте Россия Социаль фондының Татарстан Республикасы буенча бүлеге идарәчесе Эдуард Вафин. Әгәр хатын-кыз эштән йөклелек һәм бала табу яки бала карау буенча ял вакытында азат ителә икән, аңа баланы 1,5 яшькә кадәр карау буенча айлык пособие билгеләнә. Мондый очракларда түләүне баланың әтисе, башка туганнары яки опекуны рәсмиләштерә ала.
Пособие күләме бала карау ялына кадәрге елда эш урыны буенча уртача хезмәт хакының 40% ына тигез (яки йөклелек һәм бала табу буенча отпуск чорында эштән чыгару аена).
Әгәр сорауларыгыз калса, сез һәрвакыт 8 800 100 0001 телефоны буенча бердәм контакт-үзәккә шалтырата аласыз (тәүлек әйләнәсе - 24/7, шалтырату бушлай).
Россия Социаль фондының Татарстан Республикасы бүлеге хезмәтләре турында бөтен мәгълүматны СФР сайтында һәм социаль челтәрләрдәге ВКонтакте, Одноклассники и Телеграм рәсми аккаунтларда табарга була