Актанышта районкүләм Ифтар мәҗлесе узды

2025 елның 11 марты, сишәмбе

10 март көнне Актанышта районкүләм Ифтар мәҗлесе узды.

"Батыр" спорт комплексында 400 кешелек өстәл әзерләнгән иде. Мәҗлескә килгәннәр намаз укып, "Кол Шәриф" мәчете имам-хатыйбы Илфар хәзрәт Хәсәновның вәгазьләрен тыңлап, дога кылып, бергәләп авыз ачтылар.

Район башлыгы Ленар Зарипов Рамазан аеның 1 март - язның тәүге көнендә башлануын яңарышка ишарәләп, барлык райондашларыбызга изге теләкләрен җиткерде. Ифтар мәҗлесендә махсус хәрби операциядә катнашкан райондашларыбызның якыннары да чакырулы иде.