"Алдынгылар хәрәкәте" республика автобусы бүген Актанышка килде. Балалар һәм яшьләрне берләштерү максатыннан оештырылган хәрәкәт мавыктыргыч әңгәмәләргә, интерактив уеннарга бай. Аның төп максаты – балаларга, яшүсмерләргә үзеңне күрсәтү, төрле өлкәләрдә уңышка ирешү, үз юлыңны табу өчен мөмкинлекләр бирү.
Күңелле чарада катнашучы егет-кызларыбызны район башкарма комитет җитәкчесе Рөстәм Ильясов, аның урынбасары Дилбәр Әнвәрова, район мәгариф бүлеге җитәкчесе Раниза Шакирова һәм "Алдынгылар хәрәкәте"нең Актаныш районы буенча җитәкчесе Айгиз Мәгъданов сәламләде.