Югары Яхшый авылының "Дәүҗия" мәчетендә тәүге азан тавышы яңгырады

2023 елның 3 июле, дүшәмбе

Тарихи чарада Актаныш муниципаль район башлыгы Ленар Зарипов, «Кол Шәриф» мәчете имам-хатыйбы Илфар хәзрәт Хәсәнов, Актаныш районы имам-мөхтәсибе Руслан хәзрәт Мортазин, күпсанлы авыл халкы, кайткан кунаклар катнашты.

Авылның үзәге булып тирә-якны ямьләп торган, зәвыклылыгы буенча Актанышта гына түгел, гомумән Татарстанда тиңдәшләре булмаган иман йортына якташыбыз Булат Гөмәр улы нигез салган. Биредә имам-хатыйб вазыйфаларын "Мөхәммәдия" мәдрәсәсендә белем алган Нурмөхәммәд хәзрәт башкарачак.

Иман йорты тынып тормасын, авыл халкы сукмакларны суытмасын. Авыл халкына сәламәтлек, тыныч, бәрәкәтле тормыш телибез!