Ямалы өчен тавыш бирегез
РФ Дәүләт хезмәтләре порталында 2022 елда югары тизлекле интернетка тоташтырылачак торак пунктлар өчен тавыш бирү башланды. Тавыш бирүдә 100 дән 500 гә кадәр кеше булган барлык торак пунктлар катнаша.
Актаныш районыннан тавыш бирүдә Ямалы авылы катнаша. Торак пункт 4G (LTE) мобиль элемтәгә тоташсын өчен, аның өчен дәүләт хезмәтләре порталында 2021 елның 15 ноябренә кадәр тавыш бирергә кирәк. Тавыш бирүдә катнашу өчен гражданинга РФ Дәүләт хезмәтләре порталында расланган хисап язмасы һәм кулланучы тавыш биргән төбәктә даими теркәлү кирәк.
Ике айдан соң Татарстанның 61 торак пункты билгеләнәчәк, анда 2022 елда югары тизлекле интернетка мобиль керү тәэмин ителәчәк. Цифрлы тигезсезлекне бетерү программасы Россия Министрлыгы һәм «Ростелеком» ГАҖ компаниясе тарафыннан 2014 елдан бирле гамәлгә ашырыла. 2021 елда универсаль элемтә хезмәтләрен модернизацияләү һәм 4G (LTE) элемтәнең заманча стандартына күчү турында Карар кабул ителде.
https://www.gosuslugi.ru/inet