"Сәләтле балалар өчен гуманитар гимназия-интернат" үзенең күркәм юбилеен каршылады
Бүген, әле 10 еллык кына, әмма бай тарихы һәм районыбыз гына түгел, республика күләмендә зур әһәмияткә ия булган белем учагы - "Сәләтле балалар өчен гуманитар гимназия-интернат" үзенең күркәм юбилеен каршылады.
- Тарих өчен 10 ел әллә ни зур гомер түгел, әмма 10 ел элек, гимназиягә нигез салганда, бер дистә елдан соң аның шундый уңышлары, шундый мәктәп булачак дип сөйләсәләр - мин үзем дә ышанмас идем. Бүгенге көндә гимназия республикада үз лаеклы урынын алган алдынгы мәктәпләрнең берсе. Әлбәттә, биредә коллективның, балаларның һәм ата-аналарның өлеше зурдан. Сезгә ихластан рәхмәтләремне җиткерәм һәм алга таба да сәламәт булып эшләргә язсын! - дип тәбрикләде район башлыгы Энгель Фәттахов.
Тантана барышында гимназия-интернат эшчәнлегенә зур өлеш керткәннәр хөрмәтләнде, иң алдынгы сыйныфлар билгеләнде. Бәйрәм тамашасы Айдар Фәйзрахманов һәм ул җитәкләгән Татарстан Республикасының фольклор музыкасы дәүлүәт ансамбле концерты белән тәмамланды.