Актаныш оешма-предприятиеләре I кварталдагы эшчәнлекләренә бәя алды
Атналык киңәшмә кысаларында район башкарма комитеты җитәкчесенең икътисад буенча урынбасары Лиана Сираева оешма-предприятиеләрнең I кварталдагы эшчәнлегенә нәтиҗә ясап, алдынгыларны атады.
Авыл хуҗалыгы предприятиеләре арасында беренче урында – “Чишмә” агрофирмасы, икенче урында – “Әнәк” агрофирмасы, өченче урында - “Чишмә” җәмгыяте.
Җитештерү оешмалары арасында беренче урында – Актаныш агрегат заводы, икенче урында - “Актаныш” икмәк кабул итү предприятиесе, өченче урында – Актаныш сөт комбинаты.
I квартал нәтиҗәләре буенча төзелеш оешмалары арасында беренче урында – “Сугаз” оешмасы, икенче урында – “Актаныш юллары”, өченче урында – “ИТК” оешмасы.
Беренчелекне яулаган оешма җитәкчеләренә кубоклар тапшырылды, җиңүчеләр өчлегенә кергән җәмгыятьләр дипломнар белән хөрмәтләнде.