КЫШКЫ СПАРТАКИАДА ҮЗ ҖИҢҮЧЕЛӘРЕН АТАДЫ
Ватанны саклаучылар көне алдыннан Актанышта үткән кышкы спартакиада көнозын үз җиңүчеләрен барлады. Район хезмәт ияләренең кышкы спартакиадасы нәтиҗәләре исә түбәндәгечә билгеләнде.
Мәгариф учреждениеләре арасында: 1 урын –Актаныш спорт мәктәбе, 2 урын - Актанышның беренче санлы мәктәбе, 3 урын - Актаныш технология техникумы.
Авыл җирлекләре арасында: 1 урын - Киров, 2 урын - Иске Байсар, 3 урын - Актанышбаш авыл җирлеге.
Оешмалар һәм учреждениеләр арасында: 1 урын - МНКТ, 2 урын- хакимият командасы , 3 урын – Актаныш икмәк кабул итү предприятиесе.
Һәр төрдә җиңү яулаган спортсөярләргә дипломнар тапшырылды.
Мәгариф оешмалары, җирлекләр, район үзәгендәге оешма-предприятиеләр арасында барган спартакиадада беренче урынга ия булучы командаларга 50 мең сумлык сертификат тапшырылды. Икенче урынга ия булучы командалар - 40 мең сумлык, өченче урын хуҗалары 30 мең сумлык бүләк сертификатлары белән хөрмәтләнде.