КӨН КАДАГЫНДА: Актаныш муниципаль район Советының дүртенче чакырылыш икенче утырышы узды

2020 елның 2 ноябре, дүшәмбе

Бүген, 2 ноябрь көнне, Район Советының утырышлар залында Актаныш муниципаль район Советының дүртенче чакырылыш икенче утырышы узды.

Район Советы рәисе Энгель Фәттахов җитәкчелегендә гамәлләштерелгән чарада алтынчы чакырылыш ТР Дәүләт Советы депутаты, ТР Дәүләт Советының Дәүләт корылышы һәм җирле үзидарә комитеты рәисе Альберт Хәбибуллин, район Башкарма комитеты җитәкчесе, аның  урынбасарлары, район прокуроры, көч структуралары җитәкчеләре, оешма, предприятие җитәкчеләре катнашты.

Актаныш район Советының дүртенче чакырылыш 2 нче утырышы көн тәртибендә түбәндәге мәсьәләләр каралды.

1. Татарстан Республикасы Актаныш муниципаль районы Башкарма комитеты җитәкчесен билгеләү турында;
2. Татарстан Республикасы Актаныш муниципаль районы Советы даими комиссияләре турында;
3. Татарстан Республикасы Актаныш муниципаль районының 2020 нче елның 9 аенда бюджет үтәлеше турында;
4. Татарстан Республикасы Актаныш муниципаль районы территориаль сайлау комиссиясе составына кертү өчен кандидатура тәкъдим итү турында;