«Вмененка» белән саубуллашабыз. Нәрсә эшләргә?
2012 елның 29 июнендәге 97 санлы федераль закон нигезендә, 2021 елның 1 гыйнварыннан вакытлыча керемгә (ЕНВД) бердәм салым рәвешендә махсус салым режимы гамәлдән чыгарыла.
2021 елның 1 гыйнварыннан ЕНВД гамәлдән чыгарылган барлык салым түләүчеләргә, Россия Федерациясе субъектына һәм эшчәнлек төренә бәйсез рәвештә, кагылачак. Шул ук вакытта, ЕНВД салым түләүчесе сыйфатында салым исәбеннән төшерү турында гариза бирергә кирәкми - исәптән төшерү автомат рәвештә башкарылачак.
ЕНВД бетерелгәннән соң, оешмалар һәм шәхси эшмәкәрләр салым салуның гадиләштерелгән системасына, ә шәхси эшмәкәрләр - салым салуның патент системасына яки һөнәри керемгә салым түләүгә күчәргә хокуклы.
Оешмалар һәм шәхси эшмәкәрләр күрсәтелгән режимнарны кулланганда, ЕНВДдагы кебек үк кайбер салымнардан азат ителәләр: өстәмә кыйммәткә салымнан, мөлкәткә салымнан, моннан тыш, оешмалар - табышка салымнан, ә шәхси эшмәкәрләр физик затлар кеременә салымнан.
Әгәр салым түләүчеләр ел ахырына кадәр яңа салым режимын мөстәкыйль сайламасалар, алар автомат рәвештә салым салуның гомуми режимына күчереләчәк.
Россия федераль салым хезмәтенең Татарстан Республикасы буенча идарәсе салым түләүчеләргә, салым салуның башка режимын сайлау белән алдан билгеләнергә тәкъдим итә.