Бүген Актаныш технология техникумы яңа уку елын башлап җибәрде. Районыбызда авыл хуҗалыгы тармагына кадрлар әзерләүче бердән-бер уку йорты студертларын район башлыгы Энгель Фәттахов, Дәүләт Думасы депутаты Альберт Хәбибуллин тәбрик итте.
45 еллык тарихы булган техникум быел беренче курска 105 студентны кабул итә. Ветеринария белгечлеге буенча беренче группаны да быел туплады ул.Алга таба да эшче һөнәрләр буенча юнәлешләрне арттыруга йөз тота техникум.