24 январь көнне Әтәс җирлегендә Мәүлид кичәсе үткәрелде. Инде ел дәвамында Фатыйма абыстай Хәернасовадан дини гыйлемнәр алучы авыл хатын-кызлары кичәдә мөнәҗәтләр укыдылар, Мөхәммәт пәйгамбәрнең тормышы хакында абыстайдан хикәятләр тыңладылар. Чараны авыл китапханәчесе Мәүҗидә Гарипова оештырды.
Мәүлид бәйрәме Актанышның үзәк Җәмигъ мәчетендә иртәгә — 26 январь көнне, иртәнге сәг. 10.00да оештырыла.