Барлык көчне - сенаж салырга

2020 елның 15 июне, дүшәмбе

Алдагы кышлату чорында малларны җитәрлек күләмдә яхшы сыйфатлы азык белән тәэмин итү өчен районның авыл хуҗалыгы предприятиеләрендә хезмәт фронтын киң җәелдереп эшлиләр. Кайсы печән басуына гына чыгып карама - һәркайда эш кайный. Бүгенге көндә районыбызның һәр хуҗалыгында сенаж салу эше тизләтелгән темпларда бара.

- Терлек азыгы әзерләүгә зур игътибар бирелергә тиеш. Азык запасы мул булганда гына кышлату чорына тыныч күңел белән керә алабыз, - ди бу уңыйдан Актаныш районы авыл хуҗалыгы һәм азык-төлек идарәсе белгече Рәфит Мирзаһитов.

Оператив сводкадан күренгәнчә, бүгенге көндә район хуҗалыклары 40000 тонна сенаж салган. Алдынгылар сафында “Нигез”, “Таң” хуҗалыклары, “Әнәк”, “Актаныш” агрофирмалары.