ЯЗГЫ БОЗ КОРБАНЫ: Ык елгасында ир-ат мәете табылган

2020 елның 23 марты, дүшәмбе

21 март,  17.27 сәгатьтә Минзәлә районы коткаручыларына Глонасс 112 системасы аша Бикбау авылы янындагы  Ык елгасы култыгында ир-ат мәете табылуы турында хәбәр килеп ирешә.

20.15 сәгатьтә Яр Чаллы коткаручылары «Хивус-10» һава мендәрендәге суднода 1955 елда туган ир-атның мәетен табып алалар. Мәрхүмнең үлем сәбәпләре тикшерелә.

 Язгы чорда сулыкларда боз көпшәк. Шуны истә тотыгыз: сулык яз көне кешеләрнең тормышына һәм сәламәтлегенә җитди куркыныч тудыра. Үзегезнең һәм якыннарыгызның тормышын куркыныч астына куймагыз, дип кисәтә коткаручылар.