БЕЗНЕҢ ВИДЕОРЕПОРТАЖ: Февраль аендагы терлекчелек үсешенә «Чишмә” агрофирмасында йомгак ясалды

2020 елның 13 марты, җомга

 Өч ел элек оешкан «Чишмә” агрофирмасы ныклы адымнар белән яңа технологияләр үзләштерә. Бу игенчелек һәм терлекчелек продукциясе җитештерүдә ачык чагыла: нәтиҗәләр югары. Бүген көнлек савым 6 тонна тәшкил итә.

Актаныш муниципаль районы башлыгы Энгель Фәттахов җитәкчелегендә 24 форма-киңәшмәдә авыл хуҗалыгы тармагының февраль аена анализ ясалды. Район Советы рәисе урынбасары Рәйхан Галимҗанова, авыл хуҗалыгы һәм азык-төлек идарәсенең икътисад бүлеге җитәкчесе Дилүс Мөхәмәтдинов, авыл хуҗалыгы һәм азык-төлек идарәсе җитәкчесе Айдар Мирхәйдәров, ветеринария берләшмәсе җитәкчесе Илнар Кадыйров, “Наратлы” хуҗалыгы җитәкчесе Алмаз Мосабиров чыгыш ясады.