ЯҢА ЕЛ ЯЛЛАРЫН – СӘЛАМӘТЛЕК БЕЛӘН: Актанышта яңа ел яллары спорт бәйрәменә әвереләчәк

2019 елның 27 декабре, җомга

Яңа ел яллары чорында Актанышта үтәчәк спартакиадаларга  стартны бу юлы да муниципаль хезмәткәрләр бирәчәк.  3 гыйнвар көнне яңа елның беренче чаңгы юлына нәкъ менә  алар басачак. Спартакиада программасына бадминтон, өстәл теннисы, шахмат, аркан тарту кебек ярышлар да кертелгән.

4  гыйнвар көнне эстафетаны мәгариф хезмәткәрләре кабул итеп алса, районның оешма-предприятиеләре, учреждениеләре 5 гыйнварда үзара көч сынашачак. 6 гыйнар көнне  чират авыл җирлекләре командаларына килеп җитә.

Спорт һәм сәламәтлек декадасы кысаларында оештырылучы чаралар планына махсус Кыш бабай призына оештырылганнары да бар.

Алар:

2 гыйнвар – шахмат ярышы (Балалар иҗат үзәге)

2 гыйнвар – мини-футбол (“Иман” спорткомплексы)

3 гыйнвар – бадминтон ярышы (“Батыр” спорткомплексы)

4 гыйнвар – өстәл теннисы (“Батыр” спорткомплексы)

5 гыйнвар – волейбол ярышы (“Иман” спорткомплексы)

5 гыйнвар – акробатика ярышы (“Иман” спорткомплексы)

6 гыйнвар – йөзү ярышы (“Дулкын” йөзү бассейны)

7 гыйнвар – дзюдо ярышы (“Иман” спорткомплексы)

7 гыйнвар – көрәш ярышы (“Батыр” спорткомплексы)