22 декабрь – Энергетиклар көне белән Актаныш район башлыгы Энгель Фәттаховның котлавы
Хөрмәтле энергетика тармагы хезмәткәрләре һәм ветераннары! Сезне чын күңелдән һөнәри бәйрәмегез – Энергетиклар көне белән котлыйм!
Район үсешенә ярдәм итүче уртак проектларны гамәлгә ашыруда хезмәттәшлек, югары дәрәҗәдә һөнәрилек, энергетика ветераннарына җитештерү-техник базага ныклы нигез салганнары өчен рәхмәт белдерәм.
Энергетикларның хәзерге буыны, торак-коммуналь комплексны да кертеп, социаль өлкәне энергия белән тәэмин итә, авыл хуҗалыгы, сәнәгать җитештерүе үсеше, икътисадны ныгыту өчен шартлар тудыра, иң яхшы традицияләрне лаеклы дәвам итә.
Киләсе ел да зур казанышлар елы булсын, уртак һәм максатчан планнарыгыз тормышка ашсын! Сезнең алда электр челтәрен цифрлаштыру, электр энергиясен исәпкә алу системаларын камилләштерү, кулланучыларга хезмәт күрсәтү сыйфатын арттыру белән бәйле җитди бурычлар тора. Инновацион үсешкә, интеллектуаль челтәрләр төзүгә бирелгән вектор барыбыздан да дөньякүләм стандартларга туры килә торган яңа алымнар, алга китешләр, технологияләр кертүне таләп итә.
Хөрмәтле энергетиклар, сезгә ныклы сәламәтлек, иминлек, гаилә бәхете, хезмәт уңышлары телим!