САННАР САГАЙТА: Актаныш районы юлларында исерек килеш руль артына утырган өч шофёр тоткарланган (ФАКТЛАР)

2019 елның 20 декабре, җомга

Актаныш авылыннан 1995  һәм 1991 елгы  ике егет белән беррәттән ЮХИДИ хезмәткәрләре кулына Илеш районында гомер кичерүче 1992  елгы граждан да эләккән. Алар, мөгаен, барысы да шактый вакытка машина йөртү хокукыннан колак кагарлар. Кемдер өчен бу уйланырга сәбәп булыр дип ышанасы килә.

 Көн саен юлларда үлем белән тәмамланган фаҗигаләр теркәлеп тора. Аларның сәбәбе, нигездә, кеше факторына барып тоташа. Болай да кискен торган ситуацияне исерек хәлдә машина йөртүчеләр тагын да катлауландыра. Юлларда – кеше гомерләре! Эчкән хәлдә руль артына утырганчы менә шул хакта уйлансагыз иде, хөрмәтле юл йөрү хәрәкәтендә катнашучылар!