МӘРХӘМӘТЛЕ АКТАНЫШ: 20 яшьлек Игелек марафоны нинди нәтиҗә бирде?

2019 елның 11 декабре, чәршәмбе

2 322 036 сум - быел егерменче тапкыр үткәрелүче марафонда игелекле райондашларыбызның, чарада катнашкан кунакларыбызның бергәләп әйткән сүзе бу! Районыбызда яшәүче, язмышлары һәр көнне яшәү өчен көрәш белән бәйле көчле ихтыярлы 2 471  кешегә ел дәвамында ярдәм итү өчен бердәм булдырылган ярдәм.

Бүген район мәдәният йортында үткән Игелек марафоны дәвамында 1 849 491  сум ярдәм акчасы җыйналган. Моннан тыш, натуралата ярдәм 472 546 сумны тәшкил иткән. Әлеге игелекле гамәлгә районның  оешма-предприятиеләре, авыл җирлекләре, шәхси эшмәкәрләр, аерым гражданнар үз өлешен керткән.